19 Mar 2010
Beidh lá traenála ar “Tógáil do phollaí tolláin féin ar níos lú ná €250“, le Gary Dalton ó Ecoworks, mar ocáid láinseála do ghairdín phobail Ghaelscoil Philib Barún ar an 27ú lá Márta ón 10 r.n. go dtí 4 i.n. Sé costas an chúrsa ná €45 nó €25 dóibh siúd gan turastal nó €35 dóibh siúd idir eadara. Fiosrú agus cur in áireamh go tramore20@eircom.net nó fón 086 887469. Tá áiteanna teoranta mar sin cuir in áirithe go luath.
9 Mar 2010
The questions below may come up during the Table Quiz later this week and the answers to them them can be found elsewhere on the school website:
Best of luck!
3 Mar 2010
Tá Séamas Ó Fuada, snámhaí Mhuir nÍOcht agus iarscoláire na scoile, ag teacht ar an Aoine seo chugainn an 5ú lá Márta leis an mBrat Glas a ardú sa scoil. Baineann Séamas le clann a thacaigh leis an nGaelscoil ó bunú na scoile sna hochtóidí agus tá an scoil fíorbhrodúil as a ghaiscí snámha agus reatha le blianta anuas.
De bharr a fhadhbanna sláinte tá an tAire Máirtín Ó Cuilinn tar éis a chur in iúl dúinn nach mbeidh sé i láthair ar an Aoine. Guímid biseach ar an Aire.
Related Articles: An Brat Glas le hArdú (23 Feabhra 2010)
23 Feb 2010
Tiocfaidh an tAire Máirtín Ó Cuilinn go Gaelscoil Philib Barún leis an mBrat glas a ardú ag 11.30 ar an 5ú lá Márta 2010. Tá failte roimh tuismitheoirí ata ar fáil le freastal ar an searmanas i gclós na scoile le cead na haimsire.
Bhronn an t-Aire Seán Ó Gormfhlaith brat glas ar an scoil an bhliain seo caite in aithinteas ar dhea-obair an choiste glas, idir daltaí agus tuismitheoirí, ag laghdú dramhaíl sa scoil. Cuireadh an searmanas siar go dtí go raibh obair tógala sa scoil críochnaithe agus na seomraí nua réamhdhéanta críochnaithe. Is ábhar mór mórtais dúinn an brat seo a ardú.
Related Articles: Séamas Ó Fuada chun ár mbrat a ardú (3 Márta 2010)
22 Feb 2010
Bhuaigh Rang 4 agus 5 trí duais ag Coirm Gael Linn le déanaí ag Amharclann Naomh Mhichíl i Ros Mhic Treoin. Léirigh siad an drama Shrek agus bhí tionlacan drumadóirí Rang 4 faoi stiúradh Múinteoir Ben acu ag an tús. Ina léirmheas luaigh Tomás Ó Nealán, Breitheamh, go raibh féith an ghrinn go mór chun tosaigh agus an-chumas léirithe ag an bhfoireann ar fad. Luaigh sé go háirithe na príomhaisteoirí a bhí go soiléir líofa ina gcur i láthair. Bhí moladh ar leith ag dul dos na drumadóirí. An chéad stop eile ná Broadway b’fhéidir.
Luaigh roinnt en lucht féachana binneas agus cumas amhráiníochta na gcailíní a chan Halleluia, le Leonard Cohen as Gaeilge, go háirithe Síle Breathnach.
20 Feb 2010
Beidh quiz boird i gcomóradh Seachtain na Gaeilge 2010 (5-17 Márta) ag Gaelscoil Philib Barún Barún ag Halla CLG, Trá MHór ar an 11ú lá Marta 2010 ag 7 i.n.
Beidh ceithre bhall ar gach foireann - beirt aoiseach agus beirt pháiste, le duaiseanna don chéad, dara agus tríú áit (thíos). Beidh tae agus soláistí ar an oíche chomh maith le ceol beo gaelach agus beidh an quiz as Gaeilge agus as Béarla.
Ar mhaithe le ciste Choiste na dTuistí a bheidh brabús na hoíche ag dul.
Le breis úsáid as an suíomh idirlín a spreagadh beidh nodanna craolta ar an suíomh i rith na seachtaine roimh oíche an quiz. Fan linn mar sin le haghaidh sonraí breise.
Prize Details
20 Feb 2010
D’fhógair an tAire Oideachais 52 tionscnamh tógáil scoile nua le caiteachas €579 milliún ina iomlán. Creid é nó ná creid é níl Gaelscoil Philib Barún luaite. Níl ach scoil amháin i gCondae Phort Láirge luaite (Meánscoil na Toirbhirte, Cathair Phort Láirge) le Corcaigh, Baile Átha Cliath agus Gaillimh chun tosaigh sa liosta.
Is ábhar ioróine é go bhfuil líon na dtionscnamh fógraithe (52) droim ar ais cothrom le líon na mblianta atá Gaelscoil Philib Barún ag fanacht ar áitreabh buan (25). Sampla eile den dearcadh cúlaigeantach ag Rialtais leanúnacha ar ár bhfeachtas!
3 Feb 2010
Dáileadh foirmeacha ón Fheidhmneach Sláinte maidir le vacsaíniú in aghaidh fliú na muc inniu. Tiocfaidh foireann vacsainithe go dtí an scoil ar an Aoine an 12ú lá (Feabhra 2010) leis an vaicsín a thairiscint do dalta na scoile. Líon an fhoirm a bhí dáilte ar leanai inniu agus seol ar ais chuig an scoil é. Breis eolas ar fáil ar Health Service Executive Website: Swine Flu Vaccine - It Stops with YOU.
3 Feb 2010
Comghairdeachas do fhoirne Tráth na gCeist na scoile. Bhuaigh foireann fé 11, tráth na gceist an comhair creidmheasa aréir in Óstan an Grand, Trá Mhór. Bhi pointe amhain mar fharasbarr acu ar fhoireann bunscoil na Croise Naofa. Tháinig foireann fé 13 na scoile sa tríú áit ina gcomórtas. Guímid gach rath ar Liúc, Síle, Aleics agus Lumi sa chéad babhta eile.
Bhi na ceisteanna an-dheacair agus tá’s again anois cé ainm a bhí ar bhean chéile William Shakespeare agus cén tír I Meiriceá Theas go bhfuil Dúitsis mar theanga oifigiúil.
23 Jan 2010
Más suim leat do pháiste a chlárú do Naíonáin Bheaga 2010 ní foláir iarratas a bheith istigh i rith Mí Feabhra. Fiú iad atá tar éis foirm a lionadh cheana féin táimid ag iarraidh orthu an t-iarratas ar chlárú a dheimhniú i scríbhinn arís. Gheobhaidh iad san a réamh-chlaraigh foirm nua le lionadh sa phost. Déan deimhin go bhfuil teastas breithe leis an bhfoirm iarratais. Tá fáil ar fhoirm cláraithe anseo. Má bhaineann aon chritéir luaite sa pholasaí cláraithe leis an iarratas cuir sinn ar eolas faoi.
Baineann seo le coinníolacha leagtha síos ins an Polasaí Cláraithe atá le rochtain.
Tá fáilte roimh fiosruithe faoi chlárú agus oideachas lánghaelach ach glaoigh isteach ar an scoil.
Gaeilge
English