Gaelscolaíocht chun tosaigh i Mata agus Béarla

Tá alt foilsithe san Irish Times le déanaí ag Pól ó Muirí a chuireann síos ar thaighde nua an Dochtúir Réamaí Mathers, feidhmeannach le hIontaobhas na Gaelscolaíochta i mBéal Feirste, faoi buntáistí na gaelscolaíochta agus an tumtheagasc do fhoghlaimeoirí i suíomh oideachais an tuaiscirt. Dúirt Mathers gur léirigh staitisticí ó Roinn an Oideachais, Tuaisceart Éireann, go raibh leibhéal cumais Béarla agus Mata na bpáistí i scoileanna lán-Ghaeilge ní b’fhearr ná scoileanna Béarla an Tuaiscirt.

Dúirt sé gur scrúdaigh sé torthaí Roinn an Oideachais le trí bliana anuas do pháistí bunscoile eochairchéim a dó (páistí idir ocht mbliana agus bliain déag d’aois) agus go raibh na Gaelscoileanna chun cinn ó thaobh an Bhéarla agus Mhata de le linn na tréimhse sin. Is féidir an alt ar fad a léamh anseo.